NukKainatuinnagiamut Maligatsak

  • Illuguset nukKatitaugialet KitigalikKâtinnagut ullungani tikipviginiattanut.
  • Tujummiujut tikilungitut ullungani tikipvigigialimminik amma nukKatitsingituk initsaminik sivungagut akilekkujaulangavuk ilonnanginnik akinganik âkKusisimajamminik.
  • Tautsetaujut akuniutigijumik iniginiattanik upvalu ullungit sakKititsigajammijuk tautsesimjunut akinginnik.
  • katingaKatigejut initsatâgumajut pitâttitaugajammijut katingaKatigengujunut nukKainagiamut malittaugiaKajunut.
  • NukKainajunut maligatsangit atjigegajangitut. NukKatitaullagijuk allataumajut nalunaittausiagialet initsatâgumaliguvit.

 

Initsatâgiattuliguvit Maligatsangit

  • Initsatâgiattugiamut Sitontingit 2pm
  • InitsaKagunnaigiamut Sitontinga 11am

 

Nalunalungitut amma Akilegiamut Maligatsangit

  • Akilitsatâgutikkut atuttaugialik initsatâgiattuliguvit nalunagijauniangimat initsait. AtiKapvimejuk  tujummiugiattujuk kamalangajuk illugusimmut 19-naKagialik amma takutitsilunillu nalunangitumik akilitsatâgutimmik karttinga atiKalluni atautsigiallamillu kavamamit pisimajumit atjingualimmik.
  • Initsatâgiattuliguni nâmmatunik pitaKagialik akilesongugiamut tujummiuvitsaminut pitsatuniKattitaulluni akilitsatâgutingagut karttiminik. KaujimagiaKavusi tigumiajuk akilitsatâgutet karttimik tigumiagiamut akigijangita illuguset akilittaugialinnut, tapitâttauKattagialet amma sakKigiallagajattut akilittauKattagialet ilijaulangavut akilitsatâgutet karttinganut.

 

SikarepviutaugiaKangituk Maligatsanga

  • Royal Tujummiuvingit + Sinittavingit sukarepviutaugiaKangituk tujummiuviutluni. AkilegiaKagajattut $350 illugusimmit akilegiaKagajaguni atiKapvilimmut tujummiujumut pimmagittumik salumasattaugiaKagajaguni sikarettuKasimannimut amma atiKapvimejuk tujummiujuk asiujilangajuk illugusimminik initsatâgiallasongugiamut ilijaulautsimanialuganilu.

 

Illuguset Tigumiasongit Maligatsangit

  • Ilonnatik illuguset akiKajut ilinganiKajunut maggonguniattunut. Ilagiatsigiamut akilittaugialik $10 atunik inummik 13+ jârikinnisanillu iniKammijumut illugusimmi ilijaulangavuk Initsatâgiattusimanniminut. Ununnipât sinittaviuttausot tigumiasongut illugusimmi sitamauvut inuit. Kinakkutuinnait 18-anik jârilet upvalu jârikinnisait ilagijaugialet atiKapvimettumut inummarimmik Initsatâgiattulippata initsatâgumajumut illugusimmik.

 

OmajuKutinnut Maligatsangit

  • Tânna Royal Tujummiuvinga + Sinittavingit KaikKujitlatut nalligijaujunut omajuKutinnik initsaKaliguvit. Inusialinnut illugusiKalikKuk atuinnaujunut akiKajumut $30 + HST omajuKutinnut akilittaugiaKajunut unnuamut.
  • OmajuKutet Kaujimaluattait asinnit. Kamatsiagasuagiamut ilonnangit tujummiangujut, omajuKutet amma inutuinait, aliasukkulugit, apigivugut malitsiaKullusi maligatsatinnik.
  • OmajuKutet KimattautuinnagiaKangitut illugusimmi.
  • Aliasuniammata ilonnatik tujummiujut, Kilukkujaungituk kulânget tujummiuvimmi.
  • Ilillugu Ulapittaugumangitut nalunakkutanga ukkuamut Kaujimaniagatta omajuKutet illugusimmeninganik.
  • OmajuKutet asinginni iniujunut iniKagiaKangituk.
  • SalummasaiKattagiaKavutit omajuKutet Kimasimajanginnik tujummiuvimmi.
  • Kamaniattut ilonnanginnik piKutiujunut amma/upvalu ânnitaumajunut pisimajunit omajuKutinnit

 

katingaKatigejunut Initsatâgiamut Maligatsak (10+ Illuguset)

  • NukKatitaunninga initsatâgumagiamut upvalu ilanganik initsanik sanajausongujuk akiKalugani sivungagut pingasuit wogini tikikKâtinnak.
  • 10% kingullimi sanajaumajuk initsatâgumagiamut nukKatitausok iluani pingasuit wogini tikillugunut Kitigalimmut ullunganit sivungagut tikikKâtinnak.
  • NukKatitsigiamut ungatânojumut 10%-mit kingullipâmik Kaujititsigiallaniagavit initsatâgumagiamut akilitsatâttaulangavuk 75%-itut.
  • Asigiallait tautsetaujut upvalu nukKainattaujut akilitsatâttaulangavut 100%-imik akigijanganit asiangutitsigiamut/nukKainattausimajumut.

 

Asiujijaumajut amma Napvâtausimajut Maligatsait

  • Kanuittusuatuinnait niKet amma imigatsait anitaulangavut tapvainak tujummiuviup angajukKânganut.
  • Kanuittusuatuinnait timinnut salummasaigutet sollu (upvautet, nujannut upvautingit, minguagutet, asigiallailu) anitaulangavut tapvainak tujummiuviup angajukKânganut.
  • Tânna Royal Tujummiuvinga + Sinittavingit pivitsalet piulimatsigiamut asiujijausimajunut amma puiguttausimajunut piKutinik (ilautitaungitunut Kânganettunut) thirty-nut (30) ullunut. Kingungagut 30 ulluit, piKutet anitauniattilugit tujummiuviup angajukKânganut.
  • Royal Tujummiuvingit + Sinittavingit kamaKattalungitut asiujijausimajunut upvalu puiguttausimajunut.
  • NapvâtausimajuKappat amma tujummiuviKasimajuk Kinugautiliuppat aullatitsigiamut, tingijokkogutitsanga sivungagut akilittausimagialik amma âkKisuttausimalluni tujummiungusimajumut.

 

Salummasaittiligijet Maligatsangit

  • Salummaisaigiamut kiggatuttauKattavut ullu tamât ilonnanginnut tujummiujunut. Tujummiujuk kipalugajattuk salumasaikkujigiamut ilisituinnalutik nalunaikkutakulummik ulapittaugumangitutit uKajumik ukkuanut. Tamannaugajattuk pingasunut ullunut, salummasaigiaKaniattilugit sitamanganut ullungani. Salummasaillagigialet kamatsiagasuagiamut ininga kamagijautsiaKullugu amma salumatsiaKullugu.

 

Sujuttausimajut, Asiujijausimajut amma Salummasattaunginnagialet Maligatsait

  • Tânna Royal Tujummiuvinga + Sinittavingit pivitsalet tigumiagiamut akilitsatâgutet karttinik amma akilelluni Katsitutuinnak akiKajumik akilegiamut tujummiuvinnigijait ilautillugit:
  • Sujuttausimajut tunijaumajunut illugusik (set) upvalu piKutinnut, ilautillugit suliagijaugiaKasimajunut amma asiujijausimajunut kenaujaliuttaugajasimajunut (tainna illugusik atuttaugunnagajagunnaipat) ilinganiKajunut sujuttausimajunut.
  • Asiujijausimajut piKutet ilautillugit taulet, aummitet, illumiutait, akitet, sunatuinnailu.
  • Salummasattaugiallagialet omajuKutiKasimannimut iluani omajuKutigijaugiaKangituni.
  • Salummasattaulagijaugialet utittisigasuagiamut piusigisimajangatigut

Testimonials

TatamilaukKunga itisagaigama illualummut. IniKapvinga Kaumajotsiatluni amma tujummanagalâlugani. UllâsiutiKapvinga sollu sanagiattautainnasimalauttuk kikiatsajannik piKutiKatlutik.

Labradortothecore

Pisimajut Ingiggautiliginimmut UKautjigiajik

Illugusivut anginippângulauttuk salumajutsiavak amma initsaKatsiatluni. Upvavinga piujualotluni nikuvingasongutluta Kanutuinnak kosongutluni allât itsivautaKatluni! AkiKalugani ullâsiutingit nâmmasialauttuk – bagels, ullâsiutik, kafi, imikuluk, asigiallanginnilu.

Haylziebrun

Pisimajut Ingiggautiliginimmut UKautjigiajik

SuliaKattingit piujualuit! Illugusingit itluattut amma salumajutsiavait. IniKatsiatluni aiviuttausiasomi. Matattunik niaKojaliuttautainnasimajunit, mamattunik amma namminik Royal kafiKatlutik piujualuk pigiasiutiKagiamut ullunganut. Ajunnangituk iniKapviKagianganut suliaKajumut upvalu aliasugiattutuinnasimajumut!!!!

workingdude1

Pisimajut Ingiggautiliginimmut UKautjigiajik

NiuggulaukKugut tallimanut prâvinsinut (8000 km) 14-anik ulluni ilautillugit tugâgutigigumalauttavut nunakkogutikkut Labradorilialluta. Ilonnatik tujummiuvet inigisimajavut tânna piunippaungusimajuk!

Kaujimajaungituk

Pisimajut Tujummiujunut uKausigisimajangit Kaujisattausimajumit

IniKalaukKunga Royal Tujummiuvingani saksinik unnunik. SuliaKattingit inutsiangutlatut amma ikajugumatsiatut. Illugusingit itluattusiavautlutik amma sinitsiaKattatlunga. UtigiallagumagajakKunga.

Peter S.

Pisimajut Ingiggautiliginimmut UKautjigiajik

Atâtaga amma uvanga taikanelaukKugut nunakkotluta Trans-Labrador Nunakkogutingatigut Mai 2016-nami, pijugitsialaukKugut illugusittinik: angijutsiavait tujummiuvingit maggonik illiKatluni amma niKinut nillisegutimmik, amma atânetluni.

FallsChurchTraveller

Pisimajut Ingiggautiliginimmut UKautjigiajik

Nutângutsiavak amma salumajotlutik sinittavingit KikKanganetluni ininga. Taikkua sinittavingit takuminattotlutik, angijumik nigipviKatluni, unuttunik illugusilik, mikijumik itsivautâlummik asigiallanginnilu. SuliaKattingit ikajutsiatlutik, InitsatâttitaulaukKunga tatasimagaluatlutik.

LadyBlueCanada

Pisimajut Ingiggautiliginimmut UKautjigiajik

Ilonnatik suliaKattingit ikajugumatsiatut. Akitujongitumik illugusiKalaukKunga. Salumatsialauttuk, nigumittuk amma itluattosiavautluni amma tatamilaugivunga takugiamut mikijunnik sollu kâfiliugutimmik, ikilikâliugutik amma sâmik itsivautannik.

Karen R.

Pisimajut Ingiggautiliginimmut UKautjigiajik

Suliatsaga Happy Valley Goose Bay-liagutjiKattajuk Kangaulimmat jârimi. Tânna Royal Tujummiuvinga & Sinittavingit inigiluagumaKattajaga…. Sinittavingit salumajutsiavait amma sunatuinnanik pitaKatluni.

Brent A.

Pisimajut Ingiggautiliginimmut UKautjigiajik

Initsatâgasualautsimavunga tamâni tâvatuak tatanginnatuk! Mânna KaujimalikKunga summaumangât, piujualuk initsak suliaKajunut ingigganginnatunut. Illugusingit nutât angijunik kinitsegumajumut upvaviKatluni. Itluattusiavak. Annak sâmi inutsiangutluni.

CityGirl1980

Pisimajut Ingiggautiliginimmut UKautjigiajik

Illuguset nutât amma salumatlutik. Illingit itluattusiavait amma sâmi suliaKattingit inutsiangutlutik amma kiggatotiKatsiatlutik. AngajukKânga nallinatuinnak amma ikajugumatsiatluni.

sue1977525

Pisimajut Ingiggautiliginimmut UKautjigiajik